በፋይዳ ዲጂታል መታወቂያ የማረጋገጥ ክፍያ በኢትዮጵያ ባንኮች ላይ ተጨማሪ የፋይናንስ ጫና ፈጠረ

ለደንበኞች የማረጋገጫ ጥያቄ በፋይዳ ዲጂታል መታወቂያ የሚጣለው ክፍያ በኢትዮጵያ ባንኮች ላይ ተጨማሪ የፋይናንስ ጫና እየፈጠረ ይገኛል። በበጀት ዓመቱ የባንኮች አጠቃላይ ወጪ በ91.9 በመቶ አድጎ 525.7 ቢሊዮን ብር የደረሰ ሲሆን ይህም የገቢያቸውን 81.3 በመቶ በልቶታል። በቀን እስከ ሁለት ሚሊዮን በሚደርሱ የማረጋገጫ ጥያቄዎች ላይ የሚጣል ክፍያ የባንኮቹን ትርፍ ያጠበዋል። የፋይናንስ ባለሙያው አሚኑ ኑሩ መሰረታዊ ማንነትን ማረጋገጥ የመንግስት ሀላፊነት በመሆኑ ክፍያው በክሬዲት ነጥብ ወይም በሞሰሳ ታሪክ ላይ ቢሆን ይሻላል ብለዋል።