የውጭ ምንዛሬ ፖሊሲ ማሻሻያው የካፒታል አካውንትን ለመክፈት ያለመ አይደለም ሲል አይኤምኤፍ ገለጸ

የኢትዮጵያ የውጭ ምንዛሬ ፖሊሲ ማሻሻያ የአገሪቱን የካፒታል አካውንት የመክፈት ያህል እንዳልሆነ ዓለም አቀፉ የገንዘብ ድርጅት (አይኤምኤፍ) ገለጸ። ድርጅቱ ሰፊ የካፒታል እንቅስቃሴ ከመፈቀዱ በፊት አገሪቱ ከድንበር ተሻጋሪ የካፒታል እንቅስቃሴዎች ጋር ተያይዘው የሚመጡ ስጋቶችን የማስተዳደር አቅም እስክትገነባ ድረስ መጠበቅ እንዳለበት አስጠንቅቋል። በአሁኑ የማሻሻያ ፕሮግራም ውስጥ የካፒታል አካውንት መክፈት ታስቦ እንዳልተያዘና ትኩረቱ የነባር ወቅታዊ አካውንት ገደቦችን ደረጃ በደረጃ ማስወገድ እንደሆነም ገልጿል። በተጨማሪም የማክሮ ኢኮኖሚ ፖሊሲዎችን በካፒታል ፍሰት መቆጣጠሪያ እርምጃዎች መተካት እንደማይገባ ድርጅቱ አሳስቧል።