Guddinaa fi Qormaata Industrii Baankii Riba-Maleessa

Industriin baankii riba-maleessa Itoophiyaa keessatti sadarkaa gaarii irra ga’eera. Hanga ammaa qusannoon qarshii biiliyoona 400 caaluu fi akkawuntiin miiliyoona 33 ol banamuun isaa guddina guddaa agarsiisa. Tajaajilli kun jalqaba yeroo hundaa tajaajila xiqqaa ture, amma garuu damee faayinaansii biyyattii keessatti guddina qaba. Haa ta’u malee, lakkoofsi akkawuntii fi qusannoon qofti bu’aa qabatamaa guddina kanaa ibsuu hin danda’an. Guddina kanaa olitti, tajaajilichi abbootii qabeenyaa fi diinagdee biyyattii irratti faayidaa maalii akka qabu qorachuun barbaachisaa dha.