Qophiin agarsiisa aartii Muluu Laggasaa Alliance Éthio-Française tti baname

Artistii Muluu Laggasaa qophii agarsiisa aartii mata duree "I CARRY – JE PORTE" jedhuun magaalaa Finfinnee Alliance Éthio-Française tti banatte. Agarsiisni kun kan qindeeffamee Dokter Gerhaard Stefees dhaan yoo ta'u, yaadannoo, hariiroo, itti gaafatamummaa fi eenyummaa namni tokko jireenya isaa keessatti baatu irratti xiyyeeffata. Sirni baninsaa raksistuu balet Hafsaa Aayaanin kan baname yoo ta'u, jaallattoonni aartii hedduunis irratti argamaniiru.