በአዲስ አበባ አዲስ የሸራተን ሆቴል ግንባታ ተጀመረ

በአዲስ አበባ በሚገኘው የሸራተን አዲስ ቅጥር ግቢ ውስጥ አዲስ የሸራተን ሆቴል ግንባታ መጀመሩ ተገለጸ። የፕሮጀክቱ ዲዛይን በዚአስ (ZIAS) አርክቴክቸር ኤንድ ኢንጂነሪንግ የተዘጋጀ ሲሆን፣ ግንባታውን ደግሞ ደዛኮን (DEZACON) ኮንስትራክሽን እያከናወነው ይገኛል። በአጠቃላይ 116 ሚሊዮን ዶላር የሚገመት ወጪ ለሚጠይቀው ለዚህ ፕሮጀክት ዓለም አቀፉ የፋይናንስ ኮርፖሬሽን (IFC) እስከ 80 ሚሊዮን ዶላር የሚደርስ ብድር እንደሚያቀርብ ተጠቁሟል። ይህ የገንዘብ ድጋፍ ሚድሮክ ኢትዮጵያ ለሆቴል ፕሮጀክቶቹ የረጅም ጊዜ የውጭ ምንዛሬ እንዲኖረው ታስቦ የተዘጋጀ ነው።