Mastercard gabaa kaffaltii biyya keessaa Itoophiyaa seenuuf fedhii qaba

Mastercard gabaa kaffaltii biyya keessaa Itoophiyaa keessatti hirmaachuuf hayyama dhaabbilee qajeelchuuf gaafachaa akka jiru beeksiseera. Dhaabbatichi yeroo ammaa mootummaa Itoophiyaa fi EthSwitch wajjin mari’achaa jira. Itti aanaan pirezidaantii Mastercard kan Afrikaa Bahaa fi qarqara galaana Indiyaa, Shehryar Ali akka jedhanitti, dhaabbatichi kaffaltii kaardii qofa osoo hin taane, karaa bilbila harkaa fi meeshaalee ka biroo fayyadamuun kaffaltii 'contactless' jedhamuu fi gabaa biyya keessaa keessatti hojiirra oolchuuf karoorfateera. Maamilonni meeshaalee kaffaltii kanaaf mijatan fayyadamuun bakka kaffaltiitti tajaajila kaffaltii raawwachuu danda'u. Sochiin kun Mastercard tajaajila kaffaltii idil-addunyaa fi daangaa ce'aa inni Itoophiyaa keessatti kennaa jiru caalaa, gara gabaa biyya keessaa diriirsuuf kan taasifame dha.