ፕሬዝዳንት ታዬ አጽቀሥላሴ ለአፍሪካ የስታቲስቲክስ ተቋማት ገለልተኛነት ጥሪ አቀረቡ

የኢትዮጵያ ፕሬዝዳንት ታዬ አጽቀሥላሴ የአፍሪካ ሀገራትና ዓለም አቀፍ አጋሮች ለሀገራዊ የስታቲስቲክስ ተቋማት በጀት በመመደብ ነጻነታቸውንና የቴክኒክ አቅማቸውን እንዲያጠናክሩ ጥሪ አቀረቡ። ፕሬዝዳንቱ ይህንን የተናገሩት የስታቲስቲክስ መረጃዎች ለሀገራት ልማት እቅድና ውሳኔዎች ያላቸውን ወሳኝ ፋይዳ በማንሳት ነው። አፍሪካ ለውጤታማ እቅድ ዝግጅት አስተማማኝ መረጃ እንደሚያስፈልጋት አስገንዝበዋል። የሀገራት የስታቲስቲክስ መስሪያ ቤቶች ከፖለቲካ ተጽዕኖ ነጻ ሆነው መስራት እንደሚገባቸውም ጠቁመዋል። ይህም ለቀጣይ ዘላቂ የኢኮኖሚና ማህበራዊ እድገት ወሳኝ መሆኑን አስረድተዋል።