Gatiin foonii Itoophiyaa keessatti dabaluun gabaa miidhe

Gatiin foonii Itoophiyaa keessatti dabaluun isaa gabaa irratti dhiibbaa uumee jira jedhu abbootiin qalamaa. Akka abbootiin qalamaa jedhanitti, gatiin foonii ji'oota 12 hanga 18 darban keessa dachaan dabaleera; kunis hojii isaanii hir'iseera. Kanaan dura guyyaa tokkotti gurguramaa ture amma guyyoota hedduuf firijiitti kuufamee hafa. Tajaajilli Istaatistiksii Itoophiyaa akka gabaasetti, ji'a Fulbaana keessa gatiin foonii waggaa darbe waliin yoo madaalamu dhibbeentaa 22 dabaleera. Hoteelonni fi manneen nyaataa ammoo ji'a Fulbaana qofa keessatti dhibbeentaa 4.2 dabalanii, waliigala dhibbeentaa 15.3 dabaluun isaanii ibsameera.