Inshuraansii qonnaa Itoophiyaa keessatti piroojektii qormaataatiin daangeffamee jiraachuu ibsame

Itoophiyaatti tajaajilli inshuraansii qonnaa waggoota soddoman darban keessa piroojektii qormaataatiin (pilot projects) qofa daangeffamee turuu isaa ogeessi Inshuraansii Itoophiyaa (Ethio-Re) Dr. Fikruu Tsaggaayee ibsaniiru. Hojiin inshuraansii qonnaa hedduun deggarsa gargaartotaan kan gaggeeffaman yoo ta'u, caasaa dhaabbataa biyyaalessaa kan hin qabne ta'uu isaanii eeraniiru. Hanqina kana furuuf, Ministeerri Qonnaa 'Rural Finance Unit' haaraa hundeessuun isaa fi qabeenya walitti qabuuf hojjechaa jiraachuun ibsameera. Fakkeenya akka biyyoota Ugaandaa fi Ruwaandaa, Itoophiyaanis deggarsa inshuraansii qonnaa 40% hanga 80% ga'u fayyadamuun akka dandeessu himameera.