የኢትዮጵያ ኢንቨስትመንት ሆልዲንግስ በሆቴል እና መስተንግዶ ዘርፍ እየተንቀሳቀሰ ነው

የኢትዮጵያ ኢንቨስትመንት ሆልዲንግስ (EIH) በሆቴል እና መስተንግዶ ዘርፍ የሚያከናውናቸውን ፕሮጀክቶች እያጠናከረ መሆኑን አስታውቋል። ድርጅቱ በአሁኑ ወቅት 36 ፕሮጀክቶች ያሉት ሲሆን፣ ከነዚህም መካከል 16ቱ በስራ ላይ ይገኛሉ። ከእነዚህ ፕሮጀክቶች መካከል አራቱ በሆቴል እና መስተንግዶ ዘርፍ የተሰማሩ ሲሆን፣ የሂልተን ሆቴል ማስፋፊያ ስራን ይጨምራሉ። በተጨማሪም 250 ሚሊዮን ዶላር የሚገመት የአጋርነት ሆቴል ፕሮጀክት ዝግጅት እየተደረገ ነው። ሆልዲንግሱ ባለፈው ዓመት ከሆቴል ዘርፍ 2.1 ቢሊዮን ብር ገቢ አግኝቷል። ሂልተን፣ ግዮን፣ ፍል ውሃ እና ጀነት ሆቴል የተባሉት አራት ንዑስ ድርጅቶች በድምሩ 564.2 ሚሊዮን ብር ከታክስ በፊት ትርፍ አስመዝግበዋል።