IMF: El Niinon dhiibbaa dinagdee Itoophiyaarratti qabaachuu danda'a jechuun akeekkachiise

Dhaabbanni Maallaqa Addunyaa (IMF) jijjiiramni haala qilleensaa 'El Niinoo'tiin walqabatee Itoophiyaatti mudachuu danda'u, omisha qonnaa, maddisiisa humna elektirikii fi daballii gatii gabaarratti dhiibbaa uumuu akka danda'u akeekkachiise. Dhaabbanni Qilleensa Addunyaa (WMO) hanga Guraandhalaa 2027tti haalli El Niinoo mudachuu danda'u dhibbeentaa 100tti dhiyaata jedheera.

Dubbi himaan IMF akka ibsanitti, roobni yeroo isaa eeggatee hin roobne fi gogiinsi dheeratu hanqina nyaataa, hir'ina galii alaa fi dhiibbaa gatii gabaa daran hammaatu fiduu danda'a. Itoophiyaan baayyinaan qonnaarratti kan hundaa'ite fi humna elektirikii ishee guddaa humna bishaaniirraa argattu waan ta'eef, dhiibbaan kun tasgabbii dinagdee biyyattii irratti yaaddoo guddaa akka ta'e ibsameera.