Gatiin gabaa Itoophiyaa keessatti baatii Fulbaanaa keessa gara 14.9 irra ga’eera

Akka tajaajilli Istaatistiksii Itoophiyaa ibsetti, gatiin gabaa biyyattii baatii Fulbaanaa keessa dhibbeentaa 14.9 irra ga’eera. Gatiin kun baatii Adooleessaa keessa dhibbeentaa 15.3 irra kan ture yoo ta’u, yeroo ammaa xiqqoo gad bu’eera. Gatiin nyaataa dhibbeentaa 14.8 yoo ta’u, gatiin meeshaalee nyaata hin ta’inii immoo gara dhibbeentaa 15.1 ol guddateera. Keessattuu gatiin sukkaaraa, dammaa fi shokolaataa waggaa darbee wajjin yoo madaalamu dhibbeentaa 39.8 dabaleera. Gatiin foonii dhibbeentaa 22, zayitaa dhibbeentaa 18.2 fi kaffaltiin geejjibaa dhibbeentaa 16 dabaleera. Garuu gatiin buddeenaa fi midhaanii dhibbeentaa 8.6 qofa dabaleera. Ogeeyyiin akka jedhanitti, daballiin gatii kun kan mudate sababa gatii maallaqaa laafaa ta’een malee omisha gahaa dhabuu miti.