Waraana Alaamaataatti Tasa Uumameen Miidhaan Siviilota Irra Ga'e; Eparchii Addigraat Gargaarsa Gaafate

Tigray Kibbaa magaalaa Alaamaataafi naannawa sheetti waraana cimaa dhuma ji'a Maslaasaa irratti ta'een siviilonni 50 ol ajjeefamuu gabaafameera. Jiraataan Alaamaataashee irraa gara Zoonii Wallo Kaabaa Naannoo Amaaraatti baqate akka ibsetti, waraanni kun odoo jiraattonni gabaa Sanbataatiif qophaa'aa jiranii kan eagaleedha. Walitti bu'iinsi kun Humna Nageenya Tigray fi miseensota Rayaa Zeb, humna waraanaa haaraa Mootummaa Naannoo Amaaraatiin hundaawwe giidduutti kan uumameedha. Waraanni kun caalaatti kan hammaate humni waraana federaalaa gara naannoo Mahoniitti sossoohinsa gochuu isaatiin walqabateeti. Walitti bu'iinsa kanaan jiraattonni hedduun qe'ee isaanii irraa kan buqqa'an dhiyeessiin deeggarsa namoomaas haalaan rakkisaa ta'eera. Dhaabbileen fayyaa naannichas miidhamaa dhufe keessummeessuuf humnaa ol ta'uun isaanii eerameera.