Waldhabdee Sudaan Kibbaatti uumameen namoonni 70 du'an

Gareewwan hidhattoota ta'an lama gidduutti walitti bu'iinsi uumamee Sudaan Kibbaa naannoo Leeks Steetiitti lubbuun namoota 70 akka darbe gabaafameera. Gabaasni 'Associated Press' akka mul'isutti, namoota du'an keessaa afur loltoota dha. Kanneen biroo hedduunis madaa'aniiru. Walitti bu'iinsi kun sabaa fi sablammoota naannichaa gidduutti kan uumame yoo ta'u, tasgabbii dhabuu naannichaa kan agarsiisu dha. Aangeyyoonni mootummaa haala jiru to'achuuf yaalii gochaa jiru.