Ummanni Orma Keeniyaa barnoota Afaan Oromoootiin akka kennamu gaafatan

Ummanni Orma, kan godina Tana River, Keeniyaa keessa jiraatu, waggoota 500 oliif biyyaa fagaatee Oromiyaa irraa km 2,000 ol jiraatus afaanifi aadaa isaa eeggatee jiraachuu ibse. Dhalattoonni kun akka jedhanitti, abboonni isaanii Oromiyaa irraa waggoota 540 dura godaananillee eenyummaa isaanii hin dhabne. Dhiibbaa hedduu keessa darbanis, afaanifi aadaan isaanii akka hin badne himu. Amma immoo, qaamoleen gurguddoon fi maanguddoon Ormaa, mootummaan Keeniyaa barnoota Afaan Oromoo sirna barnoota biyyattii keessatti akka hammachiisu gaafachaa jiru. Kunis dhaala aadaa isaanii eeggachuuf carraaqqii taasisaa jiran keessaa tokko.