ኤርትራ በኢትዮጵያና በኤርትራ መካከል ቀውስ የለም አለች

የኤርትራ የተባበሩት መንግስታት ድርጅት አምባሳደር ሶፊያ ተስፋማሪያም፣ በኢትዮጵያና በኤርትራ መካከል ምንም ዓይነት ቀውስ እንደሌለ ለአሜሪካ ዲፕሎማቶች ገለጹ። አምባሳደሯ ይህን የተናገሩት ከአሜሪካ ከተውጣጡ ከፍተኛ ዲፕሎማቶች ጋር በኒውዮርክ ባደረጉት ውይይት ነው።

በማህበራዊ ትስስር ገጻቸው እንዳስታወቁት፣ ከአሜሪካው የተባበሩት መንግስታት ቋሚ ተወካይ ማይክ ዋልትዝ እና ከጄፍሪ ባርቶስ ጋር በሆርን ኦፍ አፍሪካ ጉዳዮች ላይ ገንቢ ውይይት አድርገዋል። በውይይቱ ወቅትም የኤርትራን ሉዓላዊነትና የግዛት አንድነት አደጋ ላይ የሚጥሉ ሁኔታዎችን አለም አቀፍ አካላት እንዲያጤኑ ጥሪ አቅርበዋል።