Waldhabdeen Moyyalee gara aanaalee biroo sadiitti babal'ate

Waldhabdeen magaalA Moyyalee, godina Booranaa, naannoo Oromiyaatti jalqabe gara aanaalee Gumi Eldallo, Wachile fi Arero itti babal'ateera. Waldhabdeen kun kan jalqabe mallattoo naannoo Sumaalee dhaabuurraa kan ka'e yoo ta'u, erga mucayyoo umriin ishee 13 ta'e tokko gaafa Onkololeessa 18 ajjeefamtee booda caalaatti hammaateera. Humnoota nageenyaa naannoo Oromiyaa fi Sumaalee gidduutti waljijjiirraa rasaasaa cimaatu gaggeeffamaa jira. Jiraattonni fi abbootiin taayitaa naannichaa akka mirkaneessanitti, waldhabdeen kun erga Roobii halkanii jalqabee as gara aanaalee hedduutti babal'ateera. Gurguddoon waldhabdeewwanii kun gara naannolee Oromiyaa Kibbaa gahuun ibsameera.