ሦስት ኢትዮጵያውያን በደቡብ አፍሪካ በነፍስ ሙከራ ተከሰሱ

በደቡብ አፍሪካ ከተማ ደርባን፣ ሶስት የኢትዮጵያ ዜጎች በጥቅምት ወር መጀመሪያ ላይ በከተማው በተከሰተ ግጭት ወቅት በደቡብ አፍሪካዊ ላይ ጥቃት በማድረስ፣ የነፍስ ሙከራ እና የህዝብ ሁከት ወንጀል ተከሰሱ። ተከሳሾቹ ከበደ በላይሰው ባሶሬ (38)፣ ጌታቸው ጥሪካሶ (ከ48-55 ዓመት) እና ወዳጄ ግርማ (29) ናቸው። የደርባን ማጅስትሬት ፍርድ ቤት ተከሳሾቹ ባቀረቡት የዋስ ጥያቄ ላይ ውሳኔ ለመስጠት፣ የኢሚግሬሽን ሁኔታቸውን እና የግል ሁኔታቸውን የበለጠ ለማጣራት በሚል ቀጠሮውን ጥቅምት 18 ቀን 2017 ዓ.ም (ጥቅምት 28) አራዝሞታል። ጉዳዩ የተሰማው በደቡብ አፍሪካ ብሮድካስቲንግ ኮርፖሬሽን (SABC) ነው።