ሰባት የቀድሞ የኢትዮጵያ ዲፕሎማቶች ለአሜሪካ ውጭ ጉዳይ ሚኒስትር ደብዳቤ ጻፉ

የቀድሞው የውጭ ጉዳይ ሚኒስትር ገዱ አንዳርጋቸው እና ሌሎች ስድስት የኢትዮጵያ ዲፕሎማቶች ለአሜሪካው የውጭ ጉዳይ ሚኒስትር ማርኮ ሩቢዮ ደብዳቤ ልከዋል። ዲፕሎማቶቹ በደብዳቤያቸው ሩቢዮ በሲ-ስፓን (C-SPAN) የቴሌቪዥን ፕሮግራም ላይ ስለ ኢትዮጵያ እና ኤርትራ የሰጡትን አስተያየት ተቃውመዋል።

በተለይም ሩቢዮ አንዳንድ የተቃዋሚ ኃይሎችን “አገሪቱን የመገንጠል ዓላማ አላቸው” በማለት መፈረጃቸው ትክክል እንዳልሆነ ገልጸዋል። የኢትዮጵያን የመንግስት ተቃዋሚዎች ከገንጣይ ቡድኖች ጋር ማደባለቅ ለኢትዮጵያ ወቅታዊ የፖለቲካ እና የፀጥታ ቀውስ የተሳሳተ ግንዛቤ እንደሚፈጥር አስጠንቅቀዋል።