በኦሮሚያ ክልል የኦርቶዶክስ ምዕመናን ጥቃት ተጠቂዎችን የቀበሩ ከ50 በላይ ሰዎች ታሰሩ

በኦሮሚያ ክልል፣ አርሲ ዞን (የአሁኑ ደቡብ ምስራቅ ዞን) በሽርካ ወረዳ ከ50 በላይ ነዋሪዎች ጥቃት የደረሰባቸውን ወገኖቻቸውን በመቅበር እና ጉዳት የደረሰባቸውን በመርዳት ላይ እያሉ በፀጥታ ኃይሎች መታሰራቸው ተነገረ። እስሩ የተፈጸመው በቾሌ እና በቢርቦ ቀበሌዎች የታጠቁ ኃይሎች በፈጸሙት ጥቃት ቢያንስ 48 ሰዎች ከተገደሉ እና ከ31 በላይ ከቆሰሉ በኋላ ነው። የኢትዮጵያ ኦርቶዶክስ ተዋሕዶ ቤተክርስቲያን ቅዱስ ሲኖዶስ በበኩሉ፣ በጥቅምት 10 እና 14 ቀን በተፈጸመ ጥቃት በአርሲ ዞን 60 የቤተክርስቲያኗ አማኞች መገደላቸውን አስታውቋል። ነዋሪዎቹ ይህ የጅምላ እስር ከጥቃቱ በኋላ እየተካሄደ ያለ የፀጥታ እርምጃ አካል መሆኑን በመግለጽ ስጋታቸውን እየገለጹ ነው። የክልሉ ኮሙዩኒኬሽን ቢሮ ለጉዳዩ ምላሽ እንዲሰጥ ጥረት ቢደረግም ስልኩ አልተሳካም።