Keeniyaafi Raashiyaan lammiileen Keeniyaa waraana Raashiyaatti akka hin qacaramne waliigalan

Pireezidaantiin Keeniyaa William Ruto akka himanitti, pireezidaantiin Raashiyaa Vladimir Putin lammiileen Keeniyaa waraana Raashiyaatti akka hin qacaramne waliigalaniiru. Waliigalteen kun kan dhufe erga geggeessitoonni lameen guyyaa Jimaata Moskootti mari’atanii boodadha. Tarkaanfichi kan fudhatame lammiileen Keeniyaa waraana Raashiyaan Yuukireen irratti gaggeessituuf qacaramaa jiraachuu isaanii hordofee sodaan uumamuun isaa boodadha. Lammiileen biyya alaa waraana kanaaf qacaramuun isaanii yaaddoo nageenyaa guddaa uumee ture. Pireezidaantiin Ruto akka jedhanitti, mariin kun rakkoo kana karaa diippilomaasii furuuf kan gargaaruudha. Geggeessitoonni lamaanuu qacarriin lammiilee Keeniyaa waraana Raashiyaatti akka dhaabbatu waadaa galaniiru.