Bulchiinsi Somaliland haleellaa namoota Oromoo Boramaa keessa jiraatan irratti raawwatame balaaleffate

Magaalaa Boramaa kan Somaliland keessatti haleellaan namoota Oromoo irra ga'e gabaafameera. Garee dargaggootaatiin manni jireenyaa Oromoota 150 ol ta'an manca'uu, saamamuu fi gubachuu isaanii gabaasni ni mul'isa. Namoonni haleellaa kanaan miidhaman kunneen maatii waggoota hedduuf magaalaa sana keessa jiraataa turan kan dabalatu yoo ta'u, baqattoonni kunis gara buufata xiyyaaraa Boramaa fi iddoowwan nagaa ta'anitti baqachuuf dirqamaniiru. Bulchaan naannoo Awdal Boqor Hassan Daahir Haaddi gocha kana balaaleffataniiru. Bulchaan kun akka jedhanitti, haleellaan kun duudhaa waliin jiraachuu fi keessummeessummaa hawaasichaa kan faallessuudha.