Itoophiyaatti weerara dhukkuba Rift Valley guddachuu mala

Dhaabbanni Nyaataafi Qonnaa UN (FAO) fi Abbootii Taayitaa Misooma Gaanfa Afrikaa (IGAD) Itoophiyaa dabalatee biyyoota Afrikaa Bahaa ja'a keessatti weerarri dhukkuba 'Rift Valley' guddachuu mala jedhanii akeekkachiisan. Akeekkachiisni kun kan kenname, jijjiiramni qilleensa 'El Nino' rooba cimaafi lolaa fiduun isaa, dhukkubichi akka babal'atuuf haala mijataa uumuu isaatiin walqabatee dha. Dhaabbileen kunniin mootummoonni naannichaa of eeggannoo gochuufi qophii barbaachisaa ta'e gochuun akka isaan irraa eegamu hubachiisaniiru.