Itoophiyaan weerara Eertiraa raawwatame jedhee Dhaabbata Mootummoota Gamtootaaf beeksise

Ministirri Dhimmi Alaa Itoophiyaa Gidiyoon Ximoootiyoos, waraanni Eertiraa daangaa Itoophiyaa cabsee weerara raawwachuu isaa Dhaabbata Mootummoota Gamtootaaf xalayaadhaan beeksise. Ministirichi humni Eertiraa gara Itoophiyaa fageenya kiilomeetira 30 hanga 60 seenanii jiru jedhaniiru. Itoophiyaan weerara kanaaf of ittisuuf mirga qabaachuu ishee ibsiteetti. Eertiraan garuu himata kana haaluun, Itoophiyaan sababa waraana ittiin banattu barbaadaa jirti jetteetti. Walitti bu’iinsi kun erga waraanni Tigraay deebi’ee ka’ee booda kan hammaate ta’uu gabaasichi ni ibsa.