ጠቅላይ ሚኒስትር ዐቢይ አሕመድ በሕዝብ ተወካዮች ምክር ቤት ባደረጉት ንግግር የትኩረት አቅጣጫዎችን አመለከቱ

ጠቅላይ ሚኒስትር ዐቢይ አሕመድ ለቀጣይ አምስት ዓመታት በኃላፊነት እንዲቀጥሉ ከተሰየሙ በኋላ በሕዝብ ተወካዮች ምክር ቤት ባደረጉት ንግግር የመንግሥታቸውን ዋና ዋና የትኩረት አቅጣጫዎች አብራርተዋል። ባለፉት ዓመታት ኢትዮጵያ ሉዓላዊ የባሕር በር እንድታገኝ የተጀመረው ጥረት «በሰጥቶ መቀበል» መርኅ እንደሚቀጥልና ለዚህም የጠላቶች እንቅፋት አይጎትተውም ብለዋል። በተጨማሪም ከሀገራዊ ምክክር በሚገኙ ምክረ ሐሳቦች መሠረት በሕገ መንግሥቱ ላይ ማሻሻያ እንደሚደረግ፣ ከተፎካካሪ ፓርቲዎች ጋር በጋራ እንደሚሠራና በጫካ ያሉ ኃይሎች ወደ ሰላም እንዲመጡ ጥሪ አቅርበዋል።