Duubatti deebii ariifachiisaa ABUT fi sababoota dadhabina keessoo

Waraana naannoo Tigraayitti deebi'ee ka'e booda, humnoonni ABUT magaalota ariitiin gadhiisanii ba'uunsaanii marii guddaa uumee jira. Xiinxaltoonni siyaasaa fi waraanaa akka jedhanitti, duubatti deebiin ariifachiisaan kun kan dhufe hiramuu keessoo paartichaa fi garaagarummaa siyaasaa gaggeessitoota waraanaa gidduutti uumameeni. Hoggantoonni durii fi xiinxaltoonni paartichi keessoo isaan diigamuu, deeggarsa uummataa dhabuu fi dandeettii hogganummaa isaa laafachuu ibsu.

Keessattuu, hoggansa paartichaa hiramuu fi humna waraanaa naannichaa bakka lamatti qoodamuun ABUT dadhabsiisuu xiinxaltoonni ibsu. Kana malees, uummata naannichaa waraana mormuu fi mootummaan federaalaa dandeettii teeknoolojii fi waraanaa olaanaa qabaachuun isaa kufaatii kanaaf sababa ta'uu eerameera. Tokko tokko duubatti deebiin ABUT kun tarkaanfii tarsiimoo ta'uu mala jedhanii shakkanis, xiinxaltoonni baay'een garuu jiraachuu paartichaa balaaf saaxilamee jiraachuu irratti walii galu.