Atileet Ruut Aagaa waggaa jahaan fiigicharraa ugguramte

Atileetiin maraatoonii Itoophiyaa Ruut Aagaa qoricha dhorkamaa 'methylprednisolone' fayyadamuu isheetin waggaa ja'aaf fiigicharraa ugguramteetti. Atileetittiin umrii waggaa 32 yoo taatu, jalqaba yakka qoricha kanaa raawwachuun isheetin waggaa lamaaf kan ugguramte yoo ta'u, ergasii ammoo gorsa ogeeyyii fayyaan fayyadamuu isheetin ragaa sobaa dhiheessuun isheetin waggaa afur itti dabalamera. Ruut Aagaa bara 2019 Maraatoonii Tookiyoo injifachuun ishee ni yaadatama. Rakkoon kun kan dhufe Bitootessa darbe Chaayinaatti erga fiigicha walakkaa maraatooniitti injifattee booda. Uggurichi Fulbaana 10 irraa eegalee ragga'eera.