Finfinnee fi naannawwaashee gabaa foonii irratti qaala'iinsi gatii dabaluun isaa uummata biratti mufii uumera

Finfinnee fi Adaamaa dabalatee magaalonni Itoophiyaa gurguddoon qaala'iinsa gatii foonii cimaa keessa jiru. Jiraattonni Finfinnee kiiloon foonii tokko hanga birrii 7,000 ga'uu gabaasaa jiru. Daldaltoonni re'ee fi sangootaa ammoo gatiin horii garmalee dabaluunsaanii gatiin foonii akka ol ka'u taasiseera jedhu. Maamiltoonni qaala'iinsa kanaan walqabatee bituu akka hir'isan miidiyaa hawaasaa irratti waamicha gochaa jiru. Ogeessonni diinagdee akka ibsanitti, rakkoon kun baasii horii qallabuu fi walitti hidhata gabaa keessatti faddaaltota baay'achuu irraa kan dhufe yoo ta'u, qaala'iinsa jireenyaa waliigalaa waliin kan walqabatu dha.