Seenaa fi Bu'aa Bahii Irreechaa Obbo Dirribii Damusee Wajjin Taasifame

Irreechi duudhaa sabni Oromoo akkaakilee fi abaabileen walirraa dhaalee har'aan baase ta'us, sadarkaa ammaa kana kan gahe bu'aa bahii hedduu keessa lufeeti. Obbo Dirribii Damusee maanguddoo Irreecha waliin hariiroo dheeraa qaban, bara 1983 A.L.I tiif yeroo jalqabaaf gara Hora Harsadiitti irreeffannaaf yeroo deeman Finfinnee irraa namoota 14 qofatu dhufe. Bara sana dura namni irreecha sanarratti hirmaate nama torba qofa akka ture kaasu. Jaarsoliin Bishooftuu, dargaggoonni fi Waldallan Maccaa fi Tuulamaa aadaa kana tursisuuf aarsaa guddaa kaffaluu isaanii Obbo Dirribiin ibsu. Bara 1984 A.L.I keessa qophii irreechaa irratti utuu jiranii polisootaan qabamanii hidhamuudhaan, boodarra Laggasaa Nagawootiin hidhaadhaa ba'uu isaanii yaadatu.