Xiyyaarri Daandii Qilleensaa Ostiriyaa yaaddoo boombiin gara Bulgaariyaatti maqee qubate

Xiyyaarri Daandii Qilleensaa Ostiriyaa Teel Aviiv irraa gara Veeyinaa imalaa ture, 'yaaddoo boombii' jira jedhamnaan hatattamaan magaalaa Soofiyaa, Bulgaariyaatti qubate. Ministirri geejjibaa Bulgaariyaa akka ibsetti, xiyyaarri Airbus A320 kun erga qubatee booda imaltoonni 51 fi hojjeettoonni jaha nagaadhaan xiyyaaricha gadhiisaniiru. Xiyyaarichi daangaa qilleensaa Roomaaniyaa irraa gara Soofiyaatti erga maqee booda, jeettiin Humna Qilleensaa Bulgaariyaa MiG-29 eegumsa gochuuf bobba'eera. Xiyyaarichi erga qubatee booda sakatta'iinsi nageenyaa taasifameera. Dhimmi kun torbee darbe imala xiyyaara biroo irratti ergaa akeekkachiisaa walfakkaataa erga darbee booda kan dhufe dha. Dhaabbatichi Lufthansa hanga ammaatti ibsa dabalataa hin kennine.