ABOn Itoophiyaan ulaa galaanaa qabaachuu qabdi jedhe

Addi Bilisummaa Oromoo (ABO) Itoophiyaan ulaa galaanaa qabaachuun dirqama ta'uushee ibse. Dubbi himaan dhaabichaa Obbo Lammii Gammachuu, dhimmi ulaa galaanaa dantaa saboota Itoophiyaa fi Gaanfa Afrikaa waliin kan wal qabatu akka ta'e dubbatan. Akka isaanii, yeroon dhimmi kun itti ka'u amma ta'uun isaa fi dantaan uummataa dursa akka qabu ibsaniiru. Falmiin kun biyyoota ollaa keessattuu Ertiraa wajjin walitti dhufeenya jiru irratti dhiibbaa geessisuu akka danda'u himameera. Haata'u malee, ABO dantaan uummataa dantaa biyyoota biroo wajjin sharafamuu akka hin qabne beeksiseera.