Loltoonni Ertiraa Tigraay keessa jiraachuufi haleellaan diroonii raawwatamuu BBC mirkaneesse

BBC Verify suuraalee fi viidiyoo miidiyaa hawwaasaa irratti qoodamaa turan qorachuun loltoonni Ertiraa naannoo Edagaahamus, Tigraay keessa jiraachuu mirkaneesseera. Qorannoon suuraa satalaayitii akka agarsiisutti, bakki suuraan irratti kaafame naannoo Edagaahamusidha. Akkasumas, konkolaataa loltoota kana fe'ee imalaa ture irratti haleellaan diroonii raawwatame dhugaa tahuu mirkaneesseera. Piroofesar Kindeyaa Gabrehiwoot dabalatee qaamoleen biroo loltoonni kun gara Maqaleetti imalaa jiraachuu himaniiru. AFP fi Rooyitarsis loltoonni Ertiraa daangaa Itoophiyaa seenuu gabaasaniiru.