Loltoonni Somaaliyaa 200 ol magaalaa Dirree Dhawaatti hidhamanii turan gara biyya isaaniitti deebi'an

Loltoonni Somaaliyaa 200 ol ta'an kanneen ji'a tokko oliif Itoophiyaa keessatti hidhamanii turan, Dilbata Onkololeessa 25, 2026 gara biyya isaaniitti deebi'uu isaanii bulchaan aanaa Elbardee Abdirraahimaan Keeyiree mirkaneessaniiru. Loltoonni kun bulchiinsa Gaalgadud keessatti leenjii erga xumuranii booda maatii dubbisuuf Itoophiyaa seenanii, naannoo Somaaleetti to'annoo jala oolanii gara magaalaa Dirree Dhawaatti geeffamuun isaanii ibsameera. Sochiin waraanaa lakkoofsa hammana ga'u qabuu fi ragaa gahaa malee daangaa ce'uun isaanii shakkii nageenyaa waan uumeef to'atamuu isaanis himameera. Mootummaan federaalaa Itoophiyaas ta'ee kan naannoo Somaalee hanga ammaatti ibsa kennuu baatanis, waraanni kun nagaan gadi lakkifamaniiru. Loltuun tokko sababa da'umsaatiif magaalaa Jigjigaa keessatti hafterraa kan hafe, hundi isaanii Somaaliyaatti deebi'aniiru.