Haleellaa Godina Arsii keessatti raawwatameen walqabatee namoonni 73 to'atamani

Mootummaan Naannoo Oromiyaa haleellaa Aanaa Shirkaa Godina Arsii keessatti raawwatamee fi lubbuu namoota 46 ol galaafateen walqabatee, namoonni 73 to'atamuu ibseera. Hogganaan Kominikeeshinii Mootummaa Naannoo Oromiyaa Obbo Hayiluu Addunyaa, shakkamtoonni to'atamani miseensota 'Faannoo' fi 'Shanee' ta'uu dubbataniiru. Haleellaan kun hordoftoota Mana Kiristaanaa Ortodoksii Tewaahidoo Itoophiyaa kan karoorfate yoo ta'u, Ameerikaan qorannoon hatattamaa akka irratti gaggeeffamu gaafatteetti. Jiraattonni garuu haleellaa kanaaf hidhattoota Waraana Bilisummaa Oromoo (WBO) tu itti gaafatama jedhu.

Shirkaa cinaatti, Aanaa Marti keessattis haleellaa raawwatameen namoonni 15 ol du'aniiru. Walumaagalatti Manni Kiristaanaa Ortodoksii Tewaahidoo Itoophiyaa aanaa lamaan keessatti hordoftoonnishee 60 ajjeefamuu beeksisteetti. Haleellaa Aanaa Shirkaa keessatti raawwatameen namoonni 40 ol ajjeefamanii owwaalchi isaanii jumlaan kan raawwatame yoo ta'u, namoonni 20 ol immoo miidhaan irra gaheera. Dhimmi kun haala nageenyaa irratti yaaddoo guddaa uumeera.