Masri, Ertiraa, Somaaliyaa fi Sudaan Waliigaltee 'El-Alamein' Mallatteessan; Itoophiyaan Deebii Kennite

Pirezidantiin Somaaliyaa Hasan Sheek Mohamud ammbassaddaroota Masiri, Ertiraa fi Sudaan waliin magaalaa Masiri El-Alamein keessatti waliigaltee 'El-Alamein Declaration' jedhamu mallatteessaniiru. Ibsi waloo biyyoota afranii kun dhimma lageen daangaa qaxxaamuranii fi nageenya Galaana Diimaa irratti kan xiyyeeffate ta'ee, gochi biyyoota yaa'a gadii Masirii fi Sudaan miidhu kamuu fudhatama akka hin qabne ibseera. Ministeerri Dhimma Alaa Itoophiyaa deebii kenneen, humni kamuu dhugaa daangaa fi seenaa Itoophiyaan Galaana Diimaa fi Laga Abbayyaa irraa qabdu jijjiiruu akka hin dandeenye beeksiseera. Itoophiyaan bishaan Laga Abbayyaa keessaa dhibbeentaa 85 akka gumaachitu fi daangaan ishee handaara Galaana Diimaa irraa kiilomeetira 48 qofa akka fagaatu eeruun, mariin naannichaas dantaa ishee seeraa ilaalcha keessa galchuu akka qabu dhaamteera.