Aministiin Dhimma Walitti Bu'iinsa Itoophiyaa Irratti AU'n Walga'ii Ariifachiisaa Akka Waamu Gaafate

Walitti bu'iinsi haaraa kaaba Itoophiyaatti ka'e babal'achuu hordofee, Aministii Internaashinaal Manni Maree Nagaa fi Tasgabbii Gamtaa Afrikaa walga'ii ariifachiisaa akka waamu gaafateera. Jaarmiyaan mirga namoomaa kun ibsa baaseen haleellaa qilleensaa fi dhukaasa meeshaa gurguddaan qabeenyi namoota nagaa manca'uu fi mirgooni namoomaa cabuu ibseera. Walitti bu'iinsi irra deebiin ka'e kun TPLF dabalatee gareewwan hidhatan torba 'Tibibbir Le Hilliwuna' jedhuun tumsa uumuu hordofeeti. Gama biraatiin, Itoophiyaan gareewwan hidhataniif deeggarsa kennuun Ertiraa fi Masrii kan himatte dhiyeenya kana hariiroo dippilomaasii Ertiraa waliin qabdu addaan kutteetti. Komishiniin Gamtaa Afrikaas muddama biyyoota sadan gidduu jiruun yaadda'uu ibsee, karaa dippilomaasii fi marii nagaatiin akka furan waamicha dhiyeesseera.