Finfinnee Keessatti Dho'insi Jabaan Dhaga'amuu fi North Ethiopia Keessatti Waraanni Aloo Jabaachuu Gabaasame

Jiraattonni Finfinnee naannawaa Gootaraa fi Beeteel dabalatee bakkeewwan garaa garaa kaleessa halkan waaree booda sa'aatii 6:20 irratti dho'insa jabaa dhaga'uu dubbataniiru. Dho'insi kun gamoo kan sochoosee fi alaarmiin konkolaataas akka iyyu kan taasisaniidha. Oduun dho'insaa kun kan dhaga'ame Tajaajilli Odeeffannoo fi Nageenya Biyyaalessaa (NISS) balali'insa diroonii kamuu Finfinnee fi naannawa isheetti daangaa malee dhorkuu isaa beeksisee boodadha. Qaamoleen mootummaa fi poolisii dhimma dho'insa kanaa irratti deebii kennuurraa of qusataniiru. Gama biraatiin, Kaaba Itoophiyaatti lolii fi waraanni haaraa ka'uu isaatiin walqabatee aangawooni Naannoo Affaar loltoonni Ertiraa daangaa cabsuun lola keessatti hirmaachuu dubbataniiru. Ministirri Beeksisaa Ertiraa Yamaanaa Gabramasqal garuu himannaa kana kan waakkatan ta'uun ibsameera.