Paastarri Ameerikaa haadha warraa lamaffaa fuudhuu isaanii beeksisan

Paastarri Waldaa LifeWorks kan naannoo Ohaayoo, Israa'el T Foord, haadha warraa lamaffaa Shakaayilaa Foord jedhamtu gaa'ela isaa irratti beeksisuun miidiyaa hawaasaa irratti falmii guddaa kaaseera. Haati warraa isaa isheen jalqabaa, Liidiyaan, gocha kana deeggaruun ishee nama ajaa'ibeera. Paastar Foord gaa'ela kana kan hirkate Kitaaba Qulqulluu Kakuu Moofaa irratti ta'uu ibsee, namni tokko haadha warraa tokko qofa qabaachuu qaba kan jedhu barsiisa aadaa malee kan Macaafa Qulqulluu miti jedhe. Ta'us, hayyoonni amantaa Kakuu Haaraa fi seera Isteetii Ohaayoo wabi godhachuun gocha isaa qeequu irratti argamu. Seeraan gaa'ela kana galmeeffachuu fi dhiisuun isaa hanga ammaatti ifa miti.