ለ28 ዓመታት በእስር የቆየው ኢትዮጵያዊ ከሶማሊላንድ ተለቀቀ

ዳሂር ቃሲም አብደሌ የተባለ የኦሮሚያ ክልል ተወላጅ ኢትዮጵያዊ፣ በሶማሊላንድ ለ28 ዓመታት በእስር ከቆየ በኋላ በይፋ ተለቋል። እስረኛው በ2000 ዓ.ም በሳናግ ክልል ኤሪጋቮ ከተማ በሰው መግደል ወንጀል ተከሶ ነበር የታሰረው። የሶማሊላንድ የፍትህ ሚኒስትር ዩኒስ አህመድ ዩኒስ፣ እስረኛው የተለቀቀው የሟች ቤተሰቦች እና የተከሳሽ ቤተሰቦች በደም ካሳ ስምምነት ላይ በመድረሳቸው ነው። የሶማሊላንድ መንግስት፣ የኢትዮጵያ ፍትህ ሚኒስቴር እና የኢትዮጵያ ቆንስላ በጋራ ባደረጉት ጥረት የካሳ ክፍያው ተፈጽሞ እስረኛው እንዲለቀቅ ተደርጓል። ዳሂር ከእስር ከተፈታ በኋላ ወደ ኢትዮጵያ እየተጓዘ እንደሚገኝ ተገልጿል።