Abbaan Gadaa Tuulamaa Geetuu Taliilaa Ayyaana Irreechaa Ilaalchisee Ergaa Nagaa fi Araaraa Dabarsan

Abbaan Gadaa Tuulamaa Geetuu Taliilaa bara Gadaa isaanii keessatti Irreecha jalqabaa ilaalchisee BBC Afaan Oromoof akka dubbataniitti, ayyaanni kun bara nagaa, araaraa, jaalalaa fi tokkummaa akka ta'u hawwaniiru. Rakkoo nageenyaa Oromiyaa keessa jiru ilaalchisee ergaa dabarsaniin, araarri qe'ee fi of keessaa akka jalqabu, namni malkaatti bu'uun dura dhiifama waliif gochuu akka qabu ibsan. Kadhannaan malkaarratti godhamus garaa fi afaan tokkoon nagaa fi tokkummaa uummataaf kadhachuu ta'uu dubbataniiru. Ammas wanti Irreecha akka Ambaa Addunyaa UNESCO'tti galmeessisuuf gargaaru duudhaa, safuu, uffannaa aadaa fi naamusa sirnichaa eeggachuudha jedhan. Uummanni Oromoo fi hirmaattotni hundi sirna kana miidhaginaa fi naamusaan raawwachuudhaan guddina isaaf akka gumaachan dhaamaniiru.