Jeneraal Taaddasaa Warradaa harka TPLF irraa miliquusaanii dubbatan

Pirezidaantiin duraanii Bulchiinsa Yeroo naannoo Tigraay Jeneraal Taaddasaa Warradaa, guyyoota 15f harka TPLF jala turanii miliquusaanii BBCtti himaniiru. Jeneraalichi Maqaleerraa erga fuudhamanii gara Aksuum, achirraa immoo gara magaalaa daangaa Ertiraa Raamaa geeffamanii hidhamuusaanii ibsanii, gara Ertiraatti dabarfamuu akka shakkachaa turan dubbataniiru. Harka TPLF irraa miliquun isaanis, gargaarsa bulchaa Aanaa Raamaa fi haala mijeessuu namoota naannichaa ta’uu himaniiru. Qondaalonni kunneen gara Ertiraa isaan geeffachuuf dhufan gowwoomsuun, konkolaataa ofiitiin Raamaa keessaa baasee naannoo Da’iroo Takliitti humnoota mootummaa federaalaatti akka dhiyeesse himu.

Jeneraal Taaddasaan miliquu isaanii kana keessatti harka qooda guddaa qabaachuu bulchaa Aanaa Raamaa fi qoodamiinsa TPLF keessatti uumame gumaacha guddaa akka qabaate ibsaniiru. Yeroo naannicha gaggeessaa turan humnoota Tigraay jabeessaa turan jechuun himannoo irratti dhiyaatu kana kan hin fudhanne ta’uus himaniiru. TPLF aangoo erga fudhate booda mana akka turanifi dhiibbaa keessa akka turan ibsaniiru.