Qorataan aadaa fi seenaa Booranaa Dr. Abdullaahii Shonqoloo umrii isaanii 68tti boqotan.

Qorataan aadaa, afaan fi seenaa Booranaa Dr. Abdullaahii Shonqoloo umrii isaanii 68tti addunyaarraa boqotan. Inni bara 1958 Magaalaa Mooyaaleetti dhalatee, barnoota isaa biyya keessaa fi awurooppaatti hanga PhDtti hordofee jira. Dr. Abdullaahiin Ministeera Barnootaa Keeniyaa keessatti tajaajilaa turan, akkasumas gumaacha olaanaa qorannoo aadaa Oromoo Booranaa irratti godhaniiru. Kitaabolee hedduu barreessaniiru, keessattuu kitaaba 'Borana proverbs in cultural context' fi kanneen biroo. Inni Giddugala Hambaa Aadaa Raabaa Gadaa Booranaa hundeessuuf yaalii gochaa ture. Mootummaan Keeniyaa gumaacha isaatiif beekkamtii kenneefii ture.