Xiyyaarri Dubaayii gara Tel Aviiv Imalaa Ture Paayilatoota Gidduutti Walitti Bu'insi Dhalachuun Saawudittii Qubate

Xiyyaarri kuppaniyyaa Flydubai ka'umsa isa gochamaa Dubaayii godhate garee Tel Aviiv imalaa ture paayilatoota gidduutti walitti bu'iinsa dhalateen imalli isaa gufateera. Walitti bu'iinsa dhibdee paayilatii fi gargaaraa paayilatii gidduutti uumameen namni aalbee qabate paayilata tokko waraanuun bakki marti dhiigaan akka guutame gabaasameera. Yeroo paayilatiin waraanametti xiyyaarichi to'annoodhaa ala ta'ee saffisa guddaan gara lafaatti gadi bararuu jalqabuun imaltoota 150 dhiphina guddaa keessa galchee ture. Haata'u malee, imaltootni namicha waraana raawwate kutaa balaliisaa (cockpit) keessaa kan baasan haa ta'u malee, xiyyaarichi dirqamaan Buufata Xiyyaaraa Tabuuk kan Saawudi Arabiyaa qubachuu danda'eera. Ministirri Haajaa Alaa Israa'eel Benjamiin Netaaniyaahuu ibsa baasaniin haali kun to'annoo jala ooluu fi lammiilee Saawudii qubatan gara biyyaatti galchuuf tattaaffiin godhamaa jiraachuu dubbataniiru. Paayilatootni lameenuu miidhaan irra waan gaheef hospitaalatti kan geeffaman yoo ta'u, sababni walitti bu'iinsa isaanii ammaaf kan hin beekamne ta'uu ibsameera.