Dabretsiyon Gabremikaa'el Waraana Haaraa Ilchisee Ibsa Kenne; Itoophiyaan, Masir fi Ertiraan Dippilomaatota Wal-Abaaran

Dura ta'aan TPLF Debretsiyon Gabremikaa'el (PhD) torban darbe irraa kaasee bakkeewwan gara garaatti waraanni haaraan jalqabamuu dubbataniiru. Humnoonni federaalaa kutaalee Tigraay bakka tokko tokko qabachuu akka danda'an kan eeran Dabretsiyon, kun ta'e jedhamee tarkaanfii istiraateejii fudhatame ta'uu fi humnoonni isaanii bakka filatanitti lolaa akka jiran ibsaniiru. Gama biraatiin, ajajaan Humna Nagaa Tigraay Birgaader Jeneraal Gabrehigzihaabiheer Bayyanaa waraanni isaanii fi raayyaan ittisaa bakkeewwan hedduu to'achuu fi yeroo dhiyoo keessatti gara giddu-galeessa Tigraay akka seenan dubbataniiru. Sabaa-himaaleen BBC dhimma kana qaama walaba irraa mirkaneessuu akka hin dandeenye eeraniiru. Gama dippilomaasiitiin, Itoophiyaan dippilomaatii Masirii sa'aatii 48 keessatti akka bahu ajajuu hordofee Masiriinis dippilomaatii Itoophiyaa Kaayiroo jiru sa'aatii 48 keessatti akka bahu taasisaniirti. Kana malees, Itoophiyaan embaasii Asmaraa jiru cufuufi dippilomaatota Ertiraa 10 Finfinnee keessaa sa'aatii 48 keessatti akka bahan ajajuu beeksisteetti.