Warshaan Warqii Qulqulleessuu Itoophiyaa waggaatti toonii 600 qulqulleessuufi

Finfiinnee Zoonii Dinagdee Addaa Boolee Lammiitti warshaan warqii fi alboodota gati-jabeessa ta'an qulqulleessu ijaarame waggaatti alboodota toonii 600 ol qulqulleessuufi. Warshaan kun Itoophiyaa Invesiment Hooldingis fi Saam Pireeshiyes Meetaal waliin ta'uun ijaare. MM Abiy Ahmad akka dubbatanitti warshaan kun Itoophiyaa wiirtuu qulqulleessaa alboodotaa taasisa. Hoji-gaggeessaan olaanaa Itoophiyaa Invesiment Hooldingis Dr. Biruuk Taayyee akka jedhetti, warshaan kun humna isaa guututti fayyadamnaan waggaatti dolaara biliyoona 80 argamsiisuu danda'a. Dolaarri argamu kunis gara Baankii Biyyaalessatti galuun boba'aa fi qorichaa bituuf oola.