ፕሬዝዳንት ኢሳያስ አፈወርቂ የሀገራት ሉዓላዊነት እንዲከበር ጥሪ አቀረቡ

በሩሲያ-አፍሪካ ጉባኤ ለመሳተፍ ሞስኮ የገቡት የኤርትራው ፕሬዝዳንት ኢሳያስ አፈወርቂ፤ ሀገራት የሌሎችን ሉዓላዊነትና ግዛት አንድነት ማክበር እንዳለባቸው ተናገሩ። በስፑትኒክ ቴሌቪዥን በነበራቸው ቆይታ፣ ያለሉዓላዊነት መከበር ቀጠናዊ መረጋጋትን ማምጣት እንደማይቻል ገልጸዋል። በሌላ በኩል ሩሲያ በጉባኤው ለሚገኙ መሪዎች የሁለትዮሽ ውይይት ለማድረግ ዝግጁ መሆኗን የሩሲያ የውጭ ጉዳይ ሚኒስትር ሰርጌይ ላቭሮቭ አስታውቀዋል። ይህ በእንዲህ እንዳለ፣ አሰብን በተመለከተ ኢትዮጵያ የምታነሳቸው ጥያቄዎች የሉዓላዊነት ጥሰት እንደሆኑ አስመራ በድጋሚ ወቅሳለች። ኢሳያስ አፍሪካውያን የራሳቸውን ችግር በራሳቸው መፍታት እንዳለባቸውና በምዕራባውያን የፋይናንስ ስርዓት ላይ ትችት መሰንዘራቸውንም አስታውሰዋል።