የአሜሪካዋ ኮንግረስ አባል ኢልሃን ዑመር ቤታን መኖሪያቸውን ለቀቁ

የአሜሪካ የኮንግረስ አባል ኢልሃን ዑመር፣ የፌዴራል መርማሪዎች በሚኒሶታ በሚገኘው መኖሪያ ቤታቸው ላይ ድንገተኛ ፍተሻ ካካሄዱ በኋላ ቤታቸውን ለቀው መውጣታቸውን አስታውቀዋል። የዴሞክራቲክ ፓርቲ አባል የሆኑት ኢልሃን፣ ፍተሻው ከተካሄደበት ጊዜ ጀምሮ የሞት ዛቻ እየደረሰባቸው መሆኑን ጠቅሰው፣ ከልጆቻቸው ጋር በአስተማማኝ ሁኔታ ለመኖር ይህን እርምጃ መውሰዳቸውን ገልጸዋል። የፌዴራል ባለስልጣናት በኦክቶበር 12 ማለዳ ላይ ወደ ቤታቸው በመሄድ ሞባይል ስልኮችን እና የተለያዩ ሰነዶችን መውሰዳቸው ተዘግቧል። ይሁን እንጂ ባለስልጣናቱ እስካሁን በምን ጉዳይ ላይ ምርመራ እየተካሄደ እንደሆነ በግልጽ አልተናገሩም። ኢልሃን ድርጊቱን የፖለቲካ ተቃዋሚዎችን ለማጥቃት የተደረገ የሥልጣን ብልግና ሲሉ አውግዘውታል። ፕሬዝዳንት ትራምፕ በምርመራው እጃቸው እንደሌለበት ቢገልጹም፣ በኢልሃን ላይ የሚያሰሙትን ትችት ቀጥለዋል።