Hujja Dhiroonii Kibba Walloo keessatti raawwatameen namoonni 18 ol du'an

Godina Kibba Walloo aanaa Tuhuluderee bakka qubata buqqaatootaa 'Jaarii lakkoofsa 2' jedhamutti haleellaa dhirooniin raawwatameen namoonni 18 du'anii, 30 ol madaa'uu BBC fi Reuters gabaasaniiru. Miidhaan kun Onkoloolessa 29, 2026 kan raawwatame yoo ta'u, miidhamtoonni lammiilee Amaaraa Wallaggarraa buqqa'anii waggaa afur as achi qubatan turan. Haleellaa kanaan ijoolleen, dubartoonni ulfa fi namoonni gurguddoon ajjeefamaniiru. Bakki qubataa kun buqqaatoota 1,700 ol kan qabate yoo ta'u, haleellaa booda namoonni hedduun gara magaalaa Hayiqitti baqataniiru. Mootummaan Itoophiyaa hanga ammaatti haleellaa kana ilaalchisee yaada homaa hin kennine.