Sinoodosiin Qulqulluun namoonni 60 godina Arsii keessatti ajjeefamuu beeksise

Sinoodosiin Qulqulluu Bataskaana Ortodoksii Tawaahidoo Itiyoophiyaa, godina Arsii naannoo Oromiyaatti weerara xiyyeeffannoo godhateen namoonni 60 ajjeefamuu ibse. Weerarichi Sadaasa 10 fi 14 (Oct 20/24) aanaalee Mertii fi Shirkaa keessatti raawwatamee, namoonni 14 fi 46 ajjeefamuu Sinoodosiin mirkaneesseera. Mudannoo kanaan namoonni 20 ol madaa'anii, manni jireenyaa 20 gubateera. Bataskaanni kun weeraricha cimssee balaaleffachuun, mootummaan lammiilee akka eeguu fi yakka raawwattoota seeratti akka dhiyeessu gaafateera. Itti gaafatamaan Kominikeeshinii Mootummaa naannoo Oromiyaa Obbo Hayiluu Aduunyaa weeraricha mirkaneessuun, mootummaan garee hidhattoota "Shanee" jedhamu irratti tarkaanfii fudhachaa jiraachuu ibsaniiru. Dhaabbileen mirga namoomaa garuu weerarri naannichatti irra deddeebi'ee raawwatamu, waggoota afran darban qofa keessatti lubbuu namoota dhibbootaan lakkaa'amanii galaafachuu gabaasaniiru.