Depressionii 'Iccitii' (Smiling Depression) maal dha?

Depressioniin 'Smiling Depression' jedhamu haala namni tokko alaan gammachuu agarsiisuun keessatti garuu miira gadadoo itti dhaga'amu dha. Akka WHO gabaasetti, namoonni miiliyoona 322 ta'an addunyaa irra jiran miira kana ni qabu. Namoonni akkanaa kun hawaasa keessatti akka namoota of-danda'aniitti kan ilaalaman yoo ta'u, rakkoo isaanii dhoksuuf dirqamu. Ogeeyyiin fayyaa akka jedhanitti, miira kana dhoksuun ykn qofaatti bahuun gara fuulduraatti miidhaa hamaa fiduu danda'a. Kanaaf, namoonni akkanaa kun gargaarsa ogeeyyii fayyaa fi hawaasaa akka barbaadan gorfamu.